ماهو افضل اشتراك 4G في السعودية وطريقة اعدادات الراوتر لاتصال اسرع

ماهو افضل اشتراك 4G في السعودية وطريقة اعدادات الراوتر لاتصال اسرع

أنا غير راض عن سرعتي..أنت غير راض عن سرعتك, نحاول جاهدين الوصول إلى أعلى سرعة ممكنة. نغير الشركة..الراوتر..أو نركب أنتينا بل وأشك أن البعض قد غير منطقته. بالنهاية قد تكتشف انك انت سبب كل هذي المشاكل.

في هذا الموضوع حاولت تقديم سرد لأهم ما يجب أن يعرفه أي شخص يريد الاشتراك بخدمات الجيل الرابع في السعودية هناك بعض الاشياء لابد انك تعرفها لاتخاذ افضل قرار للشراء او الاشتراك. بعد قراءة هذا الموضوع تاكد رايح يكون عندك افضل انترنت في العالم ^_^.

اولا, رايح نبدا مع الشركات المقدمة لخدمة الانترنت في السعودية وكيف تختار الافضل بينها. شركة زين و موبايلي انترنت بدائي متخلف لا يحقق الحد الأدني من احترام العملاء. أكبر غلطة مايصلح انك تربط نفسك لمدة طويلة مع اي شركة لاتعرف جودة اتصالها وتغطيتها.

zain

اشتركت مع زين لمدة عام مفتوح السرعة وكان 4G في زين من اغلى الاشتراكات وكنت دائما امدح اتصالهم زمان. رغم غلاء الاسعار الان ان الخدمة كانت مميزة وثابتة رغم سياسة الاستخدام العادل والقوانين المتشددة. بعد كذا الشركة نزلت من اسعارها وتدهورت الخدمة للأسوء نسبة الاشتراك عندهم زادت بنسبة 1300% يكدسون العملاء بدون تحسين الخدمة وافضل حل عندهم بالدعم الفني يقول طلع الشريحة ورجعها ثاني. الفور جي عند زين اصبح بالعامية – مصخرة. انا استخدم الانترنت في التصفح واليوتيوب اكثر من التحميل لكن التصفح وتشغيل مقاطع اليوتيوب بطئ بشكل عجيب لكن لما تجي تحمل اي شي من النت على الكمبيوتر يحمل اي شي بسرعة وهذا شي غريب.

الجيل الرابع لزين تردد واحد فقط 1800 FDD. تغطية 4G لزين اتوقع انها في بعض احياء الرياض فقط وكان السعودية هي الرياض فقط. للاسف زين تقتل نفسها بسياستها هذي سيحصل معها مثل ماحدث لشركة عذيب نقلة نوعية ثم خسارات متتالية.

  • خريط تغطية زين للفور جي في منطقتك.

mobily

من الاخر موبايلي الانترنت عندهم لا يطاق البنق يصل الى 800 والتحميل اقل من 1 ميقا وهم اغلى شركة في رسوم الاشتراك الشهري. خصوصا الي يحبون الافلام والتورنت احذرهم من الاشتراك بموبايلي لانها تطبق سياسة الاستخدام العادل بشكل مفرط الحد 1 قيقا يوميا وتطبيقها عشوائي لكل اشتراك نظام استخدام عادل مختلف يمكن ما يرجع بعد يوم او شهر – اضغط هنا لمعرفة المزيد عن سياسة الاستخدام العادل.

المصيبة مازال هناك ناس تشترك عندهم في الانترنت, الضحك على الناس في الإعلانات (سرعات غير محدودة ، إنترنت غير محدود).. انصحكم حتى لو جارك عنده اشتراك موبايلي بالانترنت انك تترك البيت وتنقل لمكان ثاني.

  • خريط تغطية موبايلي للفور جي في منطقتك.

زين وموبايلي, ما يحصل من مهزلة بتقديم انترنت لا يتناسب مع ظروف الحياه باسعار تتخطى حاجز الالف والالفين. الانترنت هو مايجعل حياتنا اسهل ولانقدر نعيش بدونه. فقط اصحاب المصالح في هذي الشركات زين وموبايلي تجدون مواضيع لهم في كل مكان مواقع ومنتديات يشيدون بخدماتهم. شركات منتهيه ماعندها سياسه واضحه وكل شغلهم قائم على الغش والاستهتار بالعميل.

logo-stc-footer

ثلاث اشياء في السعودية لا تغيرها; بنك الراجحي, شماغ البسام و شركة الاتصالات السعودية STC.

مودم STC 4G + اعدادات صح = حياة آسهل +(آنتينا 4G) عشان تكون حياتك اسهل واجمل ^_^. وانا هنا مالي علاقة باي شي ثاني بالشركة فقط حول خدمة 4G والباقي مادري عنه.

4G من STC هو الافضل الان بدون اي مقارنة وماعليك من الي يقول غير هذا الكلام وانا رايح اثبت لكم هذا الشي. تستخدم STC لبث اشارة الفور جي طريقتين: تردد 1800 (FDD) وتردد 2300 (TDD) وايضا مع الراوتر المطور E5172-927 الي يدعم الترددين. مشكلتها الوحيدة اتوقع انها لا تمكن NAT Type 2 الضروري لمن يلعب أون لاين. ( بحسب ما قرأنا ان الشركة تعمل على تصحيح هذه المشكلة )

تردد 2300 هو التردد المستقبلي لكن يحتاج فقط بعض الوقت. 1800 دعمته STC لان اغلب الهواتف الذكية زي الايفون تقبل هذا التردد فقط للفور جي.

نرجع للموضوع كيف تجعل حياتك اسهل مع راوتر STC. زي ماذكرت ان راوتر STC المطور E5172-927 ثنائي تردد يدعم 1800 , 2300 ولكن ما تقدر تحدد على اي تردد يشبك الراوتر يختار التردد تقائيا. في الحي الي ساكن انا فيه يدعم الترددين لكن معروف ان تردد 1800 افضل من 2300 لانه دائما اسرع في التحميل والرفع. تردد 2300 يمكن يكون افضل في التحميل لكن ضعيف جدا في الرفع وممكن يكون التحميل ضعيف ايضا. بس عمومن 1800 يعتبر افضل بس المشكلة ان رواتر STC دائما يشبك على 2300 وهذا يسبب مشكلة في سرعة التحميل عندك تحصلها 2 ميقا اكثر شي تقدر تعمل تحويل يدوي لكن فيها حوسة ويمكن يشبك ويمكن لا. عشان كذا في اكو حل بسيط لهالمشكلة هو تثبيت تردد 1800 على المودم للابد. كيف تعرف ان الراوتر شابك على تردد 2300 او 1800 من صفحة اعدادات الراوتر الصفحة الرئيسية > نظرة عامة وشوف نمط الشبكة اذا كان FDD يعني شابك على تردد 1800 واذا كان TDD يعني شابك على تردد 2300.

4g fdd

رايح اعطيكم الطريقة الكاملة لاعداد مثالي لراوتر STC بحسب التغطية في منطقتك لتحقيق استفادة كاملة من قوة 4G لسرعة وحياة انترنتيه افضل واسهل.

طريقة تثبيت تردد 1800 لراوتر STC المطور E5172s-927

المتطلبات:

  • اول شي مهم لازم تتاكد ان الراوتر يكون المطور موديل E5172-927 يدعم ثنائي التردد 1800 و 2600. الراوتر القديم موديله E5172-920 تردد واحد فقط 2300 ولا يدعم التردد 1800. بالنسبة للي عندهم الرواتر القديم E5172-920 هذا له طريقة مختلفة تحصلها تحت اطمر هذا كله وروح هناك. (كيف تعرف موديل الراوتر حقك من الكرتون حقه مكتوب على الجنب او مكتوب تحت الرواتر نفسه Model).

quicknet-router-4g1

  • تكون المنطقة مغطاة بالتردد 1800 من خلال البحث في خريطة الاتصالات السعودية بالرابط. اضغط لين توصل للحي الي ساكن فيه بعدين اضغط الزر اليمين رايح يقولك وش الترددات المدعومة عندك.

4g cell

 

Share this post