اصلاح مشاكل السناب مع الروت ودمجه مع الكاسبر لحفظ المقاطع والصور

اصلاح مشاكل السناب مع الروت ودمجه مع الكاسبر لحفظ المقاطع والصور

للمعلومية :/
1- تم عمل هذا الشرح على جهاز جالكسي إس 7 إيدج شريحتين نظام تشغيل 6.0.1 مارشميلو
2- أنا لا أتحمل أي مسؤلية من تلف الهاتف أو تطبيق خاطئ أو مسح بيانات وملفات النظام
3- تطبيقك للشرح وإتقانك تنفيذ خطوات الشرح يجنبك الفورمات وتلف النظام إن شاء الله تعالى .

      


بسم الله على بركة الله .
أطلقت السناب شات (SnapChat) تحديث في 24 – 10 – 2016 م
يمنع تسجيل الدخول من الأجهزة المروته (Rooted Divese)
وبعد جهد جهيد وصلت لحل أغلب المشاكل التي تحدث بعد هذا التحديث
من عدم تسجيل دخول وعدم القدرة على التصوير فيديو من السناب شات
ودمج الكاسبر مع السناب شات بدون تسجيل خروج من السناب الأصلي
والحمدلله على ذلك .

 

نبدأ في الشرح ..
أولآ هذه صور المشاكل التي سيتم حلها

1

علمآ أن هذي الرسالة تعني جهازك فيه روت ومراح يسمح له بالدخول

2

بعد التحديث ممكن تطلع لك هذي الرسالة وحلها يلزمك حذف الروت
لو كان متواجد في جهازك روت
وهذي حركة مقصودة لجل يعرفون الأجهزة المروته
ويجبرون أصحابها على حذف الروت

3

اللي يستعمل الكاسبر وهو دامجه مع السناب شات الأصلي عن طريق الروت

      


مثل ما شفنا . الطرق كلها عشان تحذف الروت من جهازك ولازم نحذفه الشكوى لله
لكن بنسوي بعض الخطوات ونرجع الروت وبتمشي الأمور ان شاء الله تمام

أول حاجة من السناب شات نروح الإعدادات
بعدين ننزل آخر شي ونسوي كما في الصورة

طبعآ راح تطير كل السنابات والحكايات مراح يبقى شي إلا حكاياتك إللي أنت أرسلت والسنابات بعد
لكن ضروري لنجاح العمل

ثانيآ ندخل الضبط بعدين التطبيقات بعدين السناب شات
ونسوي زي الصورة هذي

راح يسوي تسجيل خروج من السناب طبعآ
لازم تكون تعرف اليوزر والباسوورد حقات السناب
ونطبق نفس الخطوات لبرنامج الكاسبر
نسوي له مسح الذاكرة المؤقته ومسح البيانات من إعدادات التطبيقات

ثالثآ نحذف الروت من الجوال عشان نقدر نسجل دخول للسناب شات الأصلي
وأسهل طريقة هي عن طريق الروت نفسه
ندخل على الروت بعدين الإعدادات وننزل تحت

بعد ما نضغط على إحذف الروت كليآ نضغط إستمرار

الحين ركز على الخطوة التالية عشان ما يعلق جوالك وما عاد يفتح
لأنه لو علق مراح يفتح إلا إنك تركب النظام من جديد عن طريق الأودين
وهذا يرجع جوالك كأنك توك مشتريه
ولتلافي الفورمات وتركيب النظام وللحفاظ على ملفاتك بعد ما نضغط على إستمرار
نختار NO كما في الصورة

راح يسوي الجوال ريستارت من نفسه
بعد ما يشتغل مراح تلاقي الروت موجود وملفاتك كما هي
الحمدلله خلصنا نصف المشوار
باقي النصف الثاني

——

الحين نسجل الدخول للسناب شات من غير أي مشاكل
بعد ما نسجل الدخول للسناب نقوم ونجرب التصوير فوتوغرافي وفيديو
إذا كل شي تمام نقول الحمدلله
إذا صار فيه مشاكل لا سمح الله نروح للتطبيقات وندخل على السناب شات
ونسوي له مسح التخزين المؤقت ومسح البيانات

نجي لترجيعة الروت والكاسبر ودمجها مع بعض للي يبي هالشي
أول ما نرجع الروت نتأكد إنه محدث وجاهز
بعدها نقوم ونحمل برنامج كاسبر ونتأكد إنه آخر نسخة له بعد ..
بعد التثبيت إنتبه تسوي تسجيل دخول عادي وتخرب الشغل كله
لأنك لو سويت تسجيل دخول عادي راح يطلع من السناب الأصلي
ومراح تقدر تسوي تسجيل دخول من السناب الأصلي لأن جوالك فيه روت
إنتببببه تحوس كل شي عشان ما ترجع تطبق الشرح من أول

بعد ما نثبت الكاسبر ونفتحه نضغط على الثلاث نقاط الموجوده فوق أعلى واجهة البرنامج
ونختار إستخدام جلسة سناب شات (روت)

بعدها راح يطلب نسجل الدخول من حساب قوقل وليس حساب السناب
نسجل الدخول بحساب قوقل المتواجد في الجهاز ونعطيه صلاحيات الروت (منح)

وبكذا حلينا كل مشاكل السناب شات مع الروت ومع الكاسبر
وصار بإمكانك تدخل السناب الأصلي والكاسبر في وقت واحد بدون ما تسجل خروجك منهم

وللتذكير فقط .. الموضوع كله إجتهاد شخصي ، ولا أسمح بنقله من البوابة الرقمية إلا بذكر المصدر ووضع رابط الموضوع الأصلي
وصل الله وسلم وبارك على نبينا محمد

المصدر : البوابة الرقمية

Share this post